29 years
of
Community Service
MUNTING NAYON
News Magazine
Operated by couple Eddie Flores and Orquidia Valenzuela
News and Views of the
Filipino Community Worldwide
Propesor Esteban A. de Ocampo: Rizalista at Mananalaysay



Ni Renato Perdon
Sydney, Australia
January 13, 2015

 
 


Nag-aral siya sa Mataas na Paaralan ng Cavite at noong 1926, tumanggap ng kanyang  diploma para sa kanyang Sertipiko para sa Katulong sa Sining (Associate in Arts) at Ph.B mula sa Pamantasan ng Pilipinas noong 1928; Batsilyer sa Edukasyon sa Pamantasang Nasyonal (National University) noong 1931 at MA sa nasabing pamantasan noong 1947; at Ll.B sa Pamantasan ng Manuel L. Quezon noong 1948.

Nagsimula siya bilang isang titser noong 1931 at nagturo rin sa iba’t ibang mataas na paaralan sa Cagayan, Surigao, Leyte, at Cavite hanggang 1945. Noong sumunod na taon, nagturo siya sa Kolehiyo ng San Beda College hanggang 1953, habang patuloy ang pagtuturo niya sa Pamantasan ng Pilipinas, University of the East, Pamantasan ng Centro Escolar, Kolehiyo ni Chiang Kai Shek, at Pamantasan ng Far Eastern at Manuel L. Quezon na kung saan nagturo siya sa Paaralang Gradwado. Naging lektyurer din siya sa Western College sa Ohio, U.S.A. noong 1964-1965 bilang iskolar ng Fullbright-Hays. Dumalaw din siya sa Hapon, Taiwan at Hong Kong at noong 1972 dumalaw siya sa Tsina upang pag-aralan ang sistema ng edukasyon at ang uri ng buhay ng mga tao sa nasabing bansa. Tumanggap din siya ng may bayad na paglalakbay sa Estados Unidos. Noong 11 Pebrero 1955 naging pandangal na mamamayan siya ng New Orleans, Louisina.

Si Propesor de Ocampo ay naging punong mananaliksik ng Pambansang Komisyon sa Sentenyal ni Jose Rizal (National Jose Rizal Centennial Commission), miyembro ng Pambansang Komisyon ng mga Bayani (National Heroes Commission) at ng Komite ng Pilipinas sa mga Makasaysayang Pananda (Philippine Historical Markers Committee). Bilang pagkilala sa pinakamahusay na kontribusyon niya sa kasaysayan, binigyan siya ng Gawad Sentenyal ni Rizal ng Order of Knights of Rizal sa pananaliksik at pagsusulat tungkol sa pambansang bayani noong 1961 at ng Republic Cultural Heritage Award ng pamahalaan ng Pilipinas para sa pagsusulat ng kasaysayan at mga bayaning Pilipino tulad ni Rizal, Aguinaldo at iba pang mga bayani at pagpapalaganap ng kasaysayan sa mga Pilipino noong 1970.

Siya ay nahirang naTagapangulo at Patnugot Tagapagpaganap ng Lupon ng Pambansang Komisyon ng Kasaysayan (NHC) noong 1971 hanggang ang Komisyon ay buwagin at itatag ang Pambansang Suriang Pangkasaysayan (NHI) noong 1972 nang magkaroon ng reorganisasyon ang pamahalaan. Siya ang nahirang na Tagapangulo at Patnugot Tagapagpaganap ng bagong ahensiya ng gobyerno hanggang 1981 nang siya ay magretiro. Sa panahon ng kanyang panunungkulan bilang puno ng NHI, sinimulan niya ang pananaliksik sa mga Pag-aaral sa Muslim, kasama na ang mga programang pang-alaala ng ika-600 taong anibersaryo ng Islam sa Pilipinas noong 1980. Ang iba pang nagawa ni Propesor de Ocampo sa panahon ng kanyang panunungkulan ay ang preserbasyon ng mga lumang dokumento mula noong ika-18 Siglo; ang Pagtatanghal Pangkasaysayan sa Tren (Rolling Historical Exhibits) mula sa Maynila hanggang sa San Fernando, La Union noong 1975-76; ang pang-alaalang selebrasyon ng ika-100 taong kapanganakan ni Presidente Manuel L. Quezon noong 1978 at ang paglilipat ng kanyang mga labi mula sa Hilagang Sementeryo at inilipat ito sa Dambanang Pang-alaala kay Quezon, Lungsod ng Quezon, noong 1979. Sa panahon din ng kanyang panunungkulan nang simulan ang pagbibigay ng halaga sa kasaysayan sa pamamagitan ng pagkakaroon ng Linggo ng Kasaysayan na isinasagawa taon-taon; ang pamamahala sa Paglalakbay Makabayan o Historical Tour,  ang pag-aaral at paglalagay ng mga palatandaang pangkasaysayan sa mga makasasayang pook sa Pilipinas, at ang pang-alaalang selebrasyon ng ika-100 taong kaarawan nina Presidente Sergio Osmeña at Jaime de Veyra, isang iskolar, at iba pa.

Bago siya nahirang na tagapangulo at patnugot tagapagpaganap ng NHC, si Propesor de Ocampo aktibong miyembro ng iba’t ibang samahan sa sining, kultura at agham tulad ng Philippine Booklovers Society at ng Pambansang Samahan Pangkasayan ng Pilipinas (PHA) na itinatag noong 18 Setyembre 1955. Kasama ni Propesor de Ocampo sa pagbuo ng PHA ang mga pinagpipitaganang mga mananalaysay ng panahong iyon sina Dr. Encarnacion Alzona, Gabriel Fabella, Gregorio F. Zaide, Nicolas Zafra, Celedonio Resurrecion, Dr. Domingo Abella, at Teodoro A. Agoncillo. Si Propesor de Ocampo ay naging pangulo ng PHA noong 1960, 1963-1964; 1969; at 1970.

Ang layunin ng PHA ay isulong ang pagpapayaman ng kaalaman at pag-aaral ng kasaysayan; pangungulekta at preserbasyon ng mga relikya, manuskrito, dokumento at iba pang bagay na nauukol sa Pilipinas; at pagsasagawa ng mga gawain upang palaganapin ang mga gawain at layunin ng samahan.

Si Propesor de Ocampo ay nakapagsulat na ng maraming aklat, mga polyeto at artikulo, karamihan ay tungkol sa kasaysayan at Jose Rizal. Naging editor at pabliser siya ng The Filipino Teacher at nagbigay ng panayam sa iba’t ibang pagpupulong at miting tungkol sa mga dakilang bayani ng Pilipinas tulad ni Rizal, Bonifacio at Aguinaldo. Nagkaroon din siya ng arawang kolum sa dalawang pambansang pahayagan noong sentenaryo ng kapanganakan ni Dr. Rizal noong 1961 at ni Heneral Emilio Aguinaldo noong 1969.


    Tweet
    MoreCultural Diplomacy Awards: Promotion of Philippine history, language and culture in Australia
    Renato Perdon

    Book author and historian, Renato Perdon of Sydney, Australia, was among selected Australians and Filipinos given recognition for...
    MoreAmerica takes over the Philippines
    Renato Perdon

    118 years ago today, 21 December 2016, the Americans implemented its long cherished dream of taking over the Philippines while the...
    MoreRizal’s concept of Education
    Renato Perdon

    ‘Rizal taught his boys reading, writing in foreign languages, geography, math & geometry, industrial work, natural study, morals and gymnastics’...
     
    MoreFilcom Meeting: A way to reach out to Filipinos in The Netherlands
    Jack O. Apostol

    Philippine Embassy-The Hague-March 22: Our government has diplomatic relations with many countries around the world. This is manifested by the presence of Philippine Embassies in those host countries....
     
    MoreFILCAN STUDENT WINS ARTS AWARD AT MARKHAM "MANY FACES" EVENT
    Mogi Mogado

    Only ten years old, he has already entertained onstage at many Filipino festivals, and now he has added a prime...
    MoreMarriage Preparation Class Graduation at Prince of Peace Parish
    Jojo Taduran

    Eleven couples completed their Marriage Preparation Classes at Prince of Peace Church last week. The couples were guided to their...
    MoreFeast Day of St. Joseph KC Honor Guards at Prince of Peace
    Jojo Taduran

    Rev. Fr. Michael Holmes celebrated the Holy Mass  at the Prince of Peace Parish in Scarborough  on March 19, 2018...
    More2ND FILIPINO WORKERS CONFERENCE IN TORONTO
    Ben Corpuz

    Calling all Filipino Workers! Register to attend the 2nd Filipino Workers Conference on Saturday April 14th from 9 am to 2 pm....
    MoreThe Philippine Teachers Association of Canada Slates 2018 Spring P.D. Workshop
    Tony A. San Juan

    Meaningfully meeting the concept of "lifelong learning", and teachers are  adherents of this universal adage ,  the Philippine Teachers Association...
    MoreWHY INDOOR AND OUTDOOR AIR QUALITY IS IMPORTANT TO ALL OF US
    Edwin Cordero Mercurio

    Alabang, Muntinlupa - According to the World Health Organization (WHO) an estimated 60 percent of the buildings in North America...
     
    More`CON AMOR’ FOUNDATION B0ARD MEMBERS VISIT PROJECTS IN PHILIPPINES
    By: Orquidia. Valenzuela,  as reported by Myrla Danao

    Businessman Jaap van Dijke, chairman and two board members, Myrla Danao and Dr. John Deen of Con Amor foundation in...
    MoreTHE CHILDREN IN DON MANUEL GK VILLAGE
    Orquidia Valenzuela Flores

    Sixty-three children from age three to six years, in the very poor community of Don Manuel village in Barangay...
    MoreHistory of the Filipino Community in the Netherlands
    Orquidia Flores-Valenzuela

    Every story has a beginning and our story begins when a Cavitena accompanied her aunt to sail to another continent....
    MoreArt Creations
    Vicente Collado Jr.

    Welcome!

    Many believe formal training is a prerequisite to quality in painting. Not a few will agree with me one can...
     
    Disclaimer

    Contents posted in this site, muntingnayon.com, are the sole responsibility of the writers and do not reflect the editorial position of or the writers' affiliation with this website, the website owner, the webmaster and Munting Nayon News Magazine.

    This site, muntingnayon.com, the website owner, the webmaster and Munting Nayon News Magazine do not knowingly publish false information and may not be held liable for any direct, indirect, incidental, consequential or punitive damages arising for any reason whatsoever from this website or from any web link used in this site.