29 years
of
Community Service
MUNTING NAYON
News Magazine
Operated by couple Eddie Flores and Orquidia Valenzuela
News and Views of the
Filipino Community Worldwide
GANTI-GANTI LANG ANG BUHAY - (Part 3)



Ni Rene Calalang
Scarborough-Canada
November 11, 2017

 
 


SINADYA ni Ronaldo na palawigin pa ang pagkikilala nina Cipriano at Isabel.Nilapitan niya si Cipriano at binulungan, “Ikaw na ang bahalang maghatid sa kanya. Mauuna na ‘ko.”

“Saan ka sasakay?”

“Di doon sa pinakasakayan namin.”

“Ikaw ang bahala.”

Nangiti si Cipriano. Alam niya ang ibig sabihin ng ginawa ni Ronaldo.

SA SASAKYAN ay tinangkang hawakan ni Cipriano ang kamay ni Isabel, na pinabayaan naman nito.

Ng sila’y nasa apartment na, pagkatapos niyang iparada ang sasakyan sa Visitor’s Parking, ay bumaba si Cipriano sa sasakyan upang ihatid hanggang sa loob ng apartment si Isabel. Ngunit siya’y pinigil ni Isabel, “Hamo’t ako na lang.”

“Safe ka ba diyan?”

“Oo naman.”

Kinabig ni Cipriano si Isabel at tinangkang halikan sa labi, ngunit namagitan sa kanilang mga mukha ang palad ng kanang kamay ni Isabel. “Hindi kasama iyan. Iisang araw pa tayong magkakilala.”

“Pareho din iyon.”

“Hindi.”

“O sige, kung ayaw mo doon, sa pisngi na lang.”

Pumayag si Isabel na halikan siya sa pisngi ni Cipriano.

Naglakad silang magkahawak ang mga kamay patungo sa bungad ng apartment.

“Ok na ‘ko rito,” sabi ni Isabel ng sila’y nasa bunganga na ng pintong pasukan.
Muli, ginawaran ni Cipriano ng halik sa pisngi si Isabel.

“Magtawagan tayo,” mungkahi ni Cipriano.

“Ikaw ang bahala.”

ANG sumunod ay mga tawagan sa telepono at maraming mga pagtatagpo.

Nanood sila nang maraming mga “Broadways” sa Ed Mirvish at Princess of Whales Theatres gaya ng Mama Mia, Kinky Boots, The Bodyguard….

Nanood din sila ng mga palabas sa Casino Rama at Fallsview Casino gaya ng Elvis, Fab Four, Engelbert Humperdick, Tom Jones, Donnie & Marie, Christmas Special…

Sa kanilang maraming mga dates ay ayaw pumayag si Isabel sa gustong maganap ni Cipriano.

Nag-isip si Cipriano ng paraan kung paano niya makukuha ang gusto niya kay Isabel. Nakaisip siya.

ENERO at sukdulan ang lamig ng panahon. Low season at ang mga beaches sa Carribean ay naghihintay.

Inanyayahan niya si Isabel na mag holiday sila sa Cuba.

“Wala akong pera,” sagot ni Isabel.

“Pag akong nag-aya, akong bahala. Mayroon na ba tayong pinuntahan na inaya kita na nagbayad ka.”

“Wala pa.”

Iyon ang gustong marinig ni Isabel. Pumayag siya.

SA Cuba ay naganap ang gustong maganap ni Cipriano.

Maligaya na si Cipriano. Nalunasan na ang kanyang kauhawan sa laman. Nalunasan na rin ang kanyang pangungulila.

Maligaya na rin si Isabel. Alam niya na nakakita na siya ng Sugar Daddy.

ISANG araw na sila ay manonood ng palabas sa Fallsview Casino, sapagkat maaga pa ay ipinasiya nilang kumain sa Chinese Buffet Restaurant.

Habang kumakain ay naitanong ni Cipriano, “Pa’no mo nagustuhan si Ronaldo ay bakla iyon?”

“Ipagtatapat ko na sa iyo. Ang sa amin ay Marriage for Convenience, kung alam mo ang ibig kong sabihin?”

“Nauunawaan ko. Huwag na nating ituloy. Ayaw ko nang malaman ang mga detalya. Ang mahalaga ay narito ka na, at hindi na kita kukuhanin sa Pilipinas. Gusto kong magsama na tayo.”

“Hindi ba napakaaga naman?”

“Iyon din ang kauuwian noon.”

“Ang mga anak mo?”

“Umalis na silang tatlo. Tapos na at may mga trabaho na. Kaya ng magsarili.”

“Pa’no ang pag-aaral ko?”

“Ako’ng bahala doon. Tutulungan kita.”

“Pa’no si Ronaldo?”

“Matutuwa iyon dahil liliit ang kanyang gastos.”

Natawa si Isabel. “Pa’no ‘yong kasal namin?”

“Umpisahan mo na ang divorce proceedings.”

“Hindi ko alam ang gagawin ko.”

“Madali iyan dito.”

SA TUWA ni Ronaldo ng sabihin ni Isabel na lilipat na siya sa bahay ni Cipriano ay siya pa ang nag-alok na magbabayad sa van na gagamitin sa kanyang paglipat. Tatawagin na rin niya ang ilan sa kanyang mga kaibigan para tumulong.

TATLONG araw na silang nakalilipat. Naiayos na nila ang mga gamit ni Isabel. Noon lamang napansin ni Isabel kung gaano kalaki ang bahay ni Cipriano. “Ang laki ng bahay mo?”

“Ok lang.”

“Balita ko, pag malaki ang bahay, malaki rin ang mortgage? Baka madamay pa ‘ko sa pagbabayad nito?”

“Bayad na ‘to. Nang mamatay si Misis, ang nakuha ko sa Insurance niya, ibinayad ko sa mortgage.”

“Suwerte ng mapapangasawa mo?”

“Ikaw iyon?”

“Talaga.”

TAPOS na ang mga proceedings tungkol sa pagdi divorce nina Ronaldo at Isabel. Opisyal na diborsiyado na sila. Malaya na si Isabel at nakawala na si Ronaldo.

FULL TIME na sa pag-aaral ng Nursing si Isabel, na ang lahat ng gastos ay sagot ni Cipriano.

Kung maaga ang pasok ni Isabel o gabi na ang uwi nito ay inihahatid at sinusundo siya ni Cipriano.

ALAM ni Isabel na mahal na mahal siya ni Cipriano, na naging dahilan upang lalo niyang pagsamantalahan ito.

Oktubre at ang simoy ng hangin, ang mga musika sa radio, ang mga palabas sa telebisyon, at ang mga paninda sa mga department stores ay nagpapa-alaala sa darating na kapaskuhan. Nakasilip si Isabel ng pagkakataon para makahingi ng pera kay Cipriano.

“Gusto kong magtrabaho ng part time kapag Sabado at Linggo,” sabi ni Isabel isang araw na siya ay sinundo ni Cipriano pagkatapos ng panggabing aral.

“Bakit naman? Sa paniniwala ko ay OK naman ang perang ibinibigay ko sa iyo.”

“Hindi iyon.”

“Kung hindi ay ano?”

Pinalungkot ni Isabel ang kanyang mukha. “Magpapasko at alam mo naman sa atin, kapag Pasko ay kailangan ang pera,” nag-aartistang sabi ni Isabel.

Saglit na nag-isip si Cipriano. Pagkuwa’y naunawaan niya ang ibig sabihin ni Isabel, “Gusto mong magpadala?”

“Kung makakakita ako ng part time job.”

“Ano namang trabaho ang nasasaisip mo?”

“Kahit ano. Sa fast food restaurants, sa donut shops…kahit ano.”

“Magkano naman ang inaakala mong maipadadala mo?”

“Kung makapagpapadala ako ng two hundred dollars buwan-buwan hanggang Pasko ay malaki ng tulong sa kanila iyon at maligaya na ako.”

“Pa’no ang pag-aaral mo?”

“Ok naman siguro. Iyon nga lang, maaring bumaba ang mga grades ko. Maari ring magkaroon ako ng “F”.

Saglit na katahimikan. Nag-iisip si Cipriano. “Pag-usapan natin bukas. Hamo’t iisipin ko kung ano ang mabuti nating gawin.”




MAY KARUGTONG

Ang Nakaraan:
·        GANTI-GANTI LANG ANG BUHAY - (Part 2)
·        GANTI-GANTI LANG ANG BUHAY - (Part 1)

    More30 Top News in 2017 in the Ontario Filipino Canadian Community
    Tony A. San Juan

    "Ang simoy ng Pasko ay nandito na, wika nga". T'is also the season of the year for recollection and reflection.  To me it's a quick review of news highlights in the the great Pinoy community hereabout. Here' s what I gathered and considered, arguably or unarguably, as the top stories over the months in the year 2017....
    MoreA jolly festive Christmas party 2017 by Stichting Kapitbahayan in the Netherlands
    Angel Axinto

    One Christmas party after the other. A week after the jubilant BISDAK Christmas Party in Woudenberg, Stichting Kapitbahayan held their Christmas party last Saturday, December 9, 2017. With De Kade, Bar and Restaurant in Spijkenisse, as the venue, the celebration was filled with dancing, Karaoke singing, statue dance, and raffle draws....
     
    MoreCrossover Canada captures 5th MVP Cup IHSBC in Malaysia
    Emar Sy

    Crossover Canada captured the 5th MVP IHSBC in Malaysia by beating defending champion Darwin High School of Australia 79-68. Denzel...
    MoreGANTI-GANTI LANG ANG BUHAY - (Part 5)
    Mga Gintong Kwento ni Rene Calalang

    HAYOP sa chicks si Bruce. Hindi lamang mabilis ang kanyang bibig kung hindi mabilis pati ang kanyang mga kamay. Wala...
    MoreMaster of Art: Romeo ‘Romi’ MananQuil
    Thessa Sandoval

    To his colleagues and friends in the industry, he is known as the “Maestro” (master). Having spent most of his...
     
    More`CON AMOR’ FOUNDATION B0ARD MEMBERS VISIT PROJECTS IN PHILIPPINES
    By: Orquidia. Valenzuela,  as reported by Myrla Danao

    Businessman Jaap van Dijke, chairman and two board members, Myrla Danao and Dr. John Deen of Con Amor foundation in...
    MoreTHE CHILDREN IN DON MANUEL GK VILLAGE
    Orquidia Valenzuela Flores

    Sixty-three children from age three to six years, in the very poor community of Don Manuel village in Barangay...
    MoreHistory of the Filipino Community in the Netherlands
    Orquidia Flores-Valenzuela

    Every story has a beginning and our story begins when a Cavitena accompanied her aunt to sail to another continent....
    MoreArt Creations
    Vicente Collado Jr.

    Welcome!

    Many believe formal training is a prerequisite to quality in painting. Not a few will agree with me one can...
     
    Disclaimer

    Contents posted in this site, muntingnayon.com, are the sole responsibility of the writers and do not reflect the editorial position of or the writers' affiliation with this website, the website owner, the webmaster and Munting Nayon News Magazine.

    This site, muntingnayon.com, the website owner, the webmaster and Munting Nayon News Magazine do not knowingly publish false information and may not be held liable for any direct, indirect, incidental, consequential or punitive damages arising for any reason whatsoever from this website or from any web link used in this site.