28 years
of
Community Service
MUNTING NAYON
News Magazine
Operated by couple Eddie Flores and Orquidia Valenzuela
News and Views of the
Filipino Community Worldwide
Kuwentong Bayan

Ang Mutya ng Ilog Pasig


Sa muling pagsasalaysay ni  Manny G. Asuncion
Larawang- guhit ni M.G. Asuncion
Melbourne-Australia
September 7, 2014

 
 



Ang makisig na binatang ito na tatawagin nating Rodrigo ay nakatira sa kabilang  ibayo ng Pasig na kilala ngayon sa tawag na Quadalupe. Noon ay wala pang tulay na siyang nagdurugtong sa dalawang pampang  kaya’t para makarating si Rodrigo sa pinipintuho ay kailangan niyang  sumakay ng bangka.

Samantala, lingid kay Rodrigo,  isang magandang  sirena ang lihim na umiibig sa kanya. Ito ay si Mutya. Isa sa siyam na anak ni Haring Bangkusaw , ang hari ng mga siyokoy at mga sirena sa Ilog Pasig.

Araw-araw, lihim na sinusubaybayan ng magandang sirena ang binata. Mula sa malayo, buong pagmamahal niyang pinagmamasdan ang makisig na lalaking kanyang pangarap sa buhay.

Ang kanyang puso’y nginangatngat nang matinding panibugho sa tuwi niyang makikitang  masayang nag-uusap ang dalawa sa balkonahe na nakaharap sa pampang ng ilog.

Ang kanyang mga kapatid na sirena ay nagpayo sa kanya na kalimutan na ang binatang ito sapagkat totoong magkaiba ang kanilang daigdig.  Subalit hindi nakinig ang dalaga sa  payo ng kanyang mga kapatid. Bagkus, patuloy pa rin  niyang sinusubaybayan ang makisig na binata sa tinutuluyan nitong kuwartel . Talagang masayang-masaya siya sa tuwing  makikita niya si Rodrigo.

Tinanggap ni Luisa ang pag-ibig ni Rodrigo. Subalit tumutol ang kanyang  mga magulang at mga kapatid. Hindi nila gusto ang Kastilang binata para sa dalaga. Pinakiusapan nilang kalimutan na ni Luisa si Rodrigo at ibaling ang kanyang pag-ibig sa kauri. Pinagbantaan pa siya ng kanyang ama na ilalayo  siya sa lugar na iyon kung magpupumilit siya sa kanyang pag-ibig. Sinabi nilang hindi  liligaya si Luisa pagkat magkaiba ang kanilang lahi.

Bagama’t labag sa kanyang kalooban, sinunod ni Luisa ang utos ng kanyang mga kamag-anak.  Sinabi niya kay Rodrigo na kalimutan na siya at ibaling na lamang sa iba ang pag-ibig.  Ganun na lamang ang pagkabigla ni Rodrigo sa dagliang  pagbabago ng dalaga. Alam niyang may pag-ibig din ito sa kanya. Di niya mapapayagang mapawalay pa sa kanya ang minamahal. Sa kapipilit ng binata napilitang ipagtapat ni Luisa ang tunay na dahilan. Nagpasya si Rodrigo na itanan ang dalaga. Tatakas sila at magpapakalayo-layo sa pook na iyon.

Subalit ang lahat ng ito’y narinig ni Mutya na noo’y lihim na nagkukubli sa malagong halamang-tubig. Lalong sinaklot nang matinding panibugho  ang kanyang puso sa gagawing pagtatanan ng dalawa. Kailanman ay di maaaring maangkin ng iba si Rodrigo. Ang binata ay sa kanya lamang at walang sinumang mag-aangkin. Kamatayan lamang ang maaring maglayo sa kanya at sa binata.

Nang gabing iyon ay napakasungit ng panahon. Sagsag ang tagas nang malakas na ulan at sinasabayan pa nang nakatutulig na dagundong ng kulog at hagupit nang matatalim na kidlat. Nakaantabay na si Rodrigo sa pampang ng ilog upang sunduin ang katipan. Mula sa liwanag ng matalim na kidlat ay naaninaw niya ang nahihintakutang  dalaga na dala-dala ang nakabalot na ilang pirasong damit.  Agad silang sumakay sa nakaabang na bangka sa gitna ng umaalimbukay na daluyong  ng  panahon. Nag-aalimpuyo ang hampas ng mga alon na animo’y nananaghoy sa nalalapit na kasawian. Bumaba’t tumaas ang  munting bangka na tila isang yagit na sinisiklut-siklot lamang ng dambuhalang alon . Napayakap si  Luisa sa minamahal na kasintahan sa malaking pagkatakot. 

Si Mutya  na siyang saksi sa lahat ng ito’y  halos baliw na humahalakhak sa sindak na sumasapuso ng magsing-irog.  Kailangang mawala si Luisa para mapasakanya si Rodrigo. Ito na ang pagkakataong hinihintay niya !

Mabilis na sumisid ang sirena sa kinaroroonan ng bangka at ubos lakas na itinaob ito. Tuloy- tuloy na bumulusok ang magsing irog sa madilim na kailaliman ng ilog.  Sinamantala naman yon ni Mutya at  dagli niyang dinagit ang walang-malay na katawan ng binata. Subalit sa kasamaang palad, sa pag-ahon niya sa tubig, isang rumaragasang alon ang mabilis na  tumangay sa katawan ni Rodrigo at nawala ito sa kalaliman ng nagaalimpuyong ilog.  Nagulumihan si Mutya. Hindi niya makita si Rodrigo. Taranta siyang sumisid muli sa kailaliman ng ilog upang hanapin ang katawan ng binata. Maraming beses siyang sumisid pero talagang hindi niya ito matagpuan. Patuloy pa rin ang pagsusungit nang panahon na siyang piping saksi sa malagim na pangyayari.

Nang halos wala na siyang pag-asa pang makita  ito, nakita niyang lumulutang-lutang na ang walang buhay na katawan ni Rodrigo. Mabilis niyang dinala ito sa pampang. Masuyong  hinagkan, hinaplos ang maamo nitong mukha. Niyakap nang mahigpit - sa pagbabakasakaling pagsaulian pa ito ng buhay. Ngunit talagang patay na si Rodrigo.

Nagugulumihanang pinagmasdan niya ang lalaki. Muling hinagkan ang malamig nitong mga labi. At lumuluhang nagwikang : ‘Paalam, Rodrigo… Paalam.’

Windang  ang pusong bumalik si Mutya sa kanilang kaharian.  Naiwan ang bangkay ng minamahal sa gitna nang nagngangalit na unos.

Kinabukasan, tumambad sa mga taumbayan ang walang buhay na katawan nina Luisa at Rodrigo sa pampang ng ilog Pasig.

Ngayon, marami pa raw sa matatandang naninirahan sa baybay ng Ilog Pasig ang nakakakita sa magandang sirenang si Mutya na malungkot na umaawit sa pampang ng ilog Pasig kapag masungit ang panahon. Sinasabi nilang  ang sirena ay naroroon pa rin at inaalala ang isang malungkot na  wakas ng isang bigong pag ibig.

    MoreAng Paglilitis kay Bonifacio
    Manny G. Asuncion

    Aling pag-ibig  pa ang hihigit kaya?
    Sa pagkadalisay at pagkadakila,
    Gaya ng pag-ibig sa tinubuang lupa? ...
    MorePhilippine Fiesta of Victoria, Australia  elects officers
    Manny G. Asuncion

    The Philippine Fiesta of Victoria Incorporated (PFVI) has elected  its 16 director for two years  on its Annual General Meeting...
     
    MoreStichting Bayanihan (Netherlands) Celebrates International Women’s Day 2017
    Myra Colis and Yukari Shiozaki

    Filipinas, Dare to Use Your Strength!
     
    Every year, Stichting Bayanihan celebrates the International Women’s Day in line with the mission of The United Nations Entity for Gender Equality and the Empowerment of Women (also known as UN Women) to advance gender equality and women empowerment.
     ...
    MoreHOME TO THOUSANDS OF FILIPINOS, SINGAPORE IS RANKED MOST EXPENSIVE CITY IN THE WORLD
    Edwin C. Mercurio

    For the 4th year in a row, Singapore is top on the list for the most expensive city to live beating Hong Kong, Zurich, Tokyo, Osaka, Seoul, Geneva, Paris, New York and Copenhagen, according to a biannual survey by the Economist Intelligence Unit (EIU).
     ...
     
    MoreFirst Golden Balangay Awards For Filipino Canadian Achievers Launched
    Tony A. San Juan

    Truly meeting the long-cherished desire of recognizing purposefully  the "remarkable achievements of  Filipino Canadians across Canada",  the 1st Golden Balangay Awards was significantly  launched on...
    MoreLAYERS OF RELATIONSHIP
    Jorge D. Lomboy

    There is a reason and there must be a purpose for anyone to keep a miniature private diary of names,...
    MoreReagan Tila wagi sa FBAR Masters/Elite Event League
    Marlon Baris Vicente

    RIYADH: Mula sa 40 kalahok sa Masters/Elite Event, tagumpay na naiuwi ni Reagan Tila ang kampiyonato sa katatapos lamang na...
    MoreFBL donates $5000 to Team Canada SMART NBTC
    Dindo Orbeso

    The Filipino Basketball League headed by FBL Commissioner Wallie Landicho has donated $5000 to help finance the trip of Team...
    MorePinoy Radio(Ontario) has a New Home, Expands Programming
    Tony A. San Juan

    The significantly popular Filipino Canadian - managed broadcast station Pinoy Radio has recently moved to a new site in the City of...
    MoreDOLE CONFERS “Parangal sa mga Natatanging Kababaihan” award to the Outstanding Overseas Filipina Workers
    Gerry S. Rubio

    DOLE SECRETARY WITH OUTSTANDING FILIPINAS. DOLE Secretary Silvestre H. Bello III (center) confers the “Parangal sa mga Natatanging...
     
    More`CON AMOR’ FOUNDATION B0ARD MEMBERS VISIT PROJECTS IN PHILIPPINES
    By: Orquidia. Valenzuela,  as reported by Myrla Danao

    Businessman Jaap van Dijke, chairman and two board members, Myrla Danao and Dr. John Deen of Con Amor foundation in...
    MoreArt Creations
    Vicente Collado Jr.

    Welcome!

    Many believe formal training is a prerequisite to quality in painting. Not a few will agree with me one can...
    MoreTHE CHILDREN IN DON MANUEL GK VILLAGE
    Orquidia Valenzuela Flores

    Sixty-three children from age three to six years, in the very poor community of Don Manuel village in Barangay...
     
    Disclaimer

    Contents posted in this site, muntingnayon.com, are the sole responsibility of the writers and do not reflect the editorial position of or the writers' affiliation with this website, the website owner, the webmaster and Munting Nayon News Magazine.

    This site, muntingnayon.com, the website owner, the webmaster and Munting Nayon News Magazine do not knowingly publish false information and may not be held liable for any direct, indirect, incidental, consequential or punitive damages arising for any reason whatsoever from this website or from any web link used in this site.